話咁快．．《親兄勿弟》走到last day了～
其實相隔咁耐～
皆因劇組各人員都真的各有各忙～
要碰上適當的日期拍攝～
真的著實不易～～～

導演如常地跟演員對稿，神色認真。

到了最後一日的拍攝～
導演的眼神明顯從認真中，多了一份離別的不捨～

這天，材哥也有份參與拍攝～
專業不愧為專業～
不消十分鐘，經過導演的指引下～
材哥的入戲速度令人驚訝～
迅速完成導演的要求～

當然，最後也多謝材哥參與了多天的拍攝～
謝謝你呀！！！！

其實這天拍攝經歷重重波折～
記得．．這天的傾盤大雨～
差點影響拍攝．．．～
始終因為連戲的關係～

幸好這天拍攝的幾場戲～
都是在室內地方取景～
所以終於順利完成～

在下雨天的大清早便來到元朗拍攝～
真的少一點毅力也撐不住～
給些掌聲．．我們這班新一代的香港電影人！
加油！！！～

拍攝最後一個鏡頭過後～
導演一聲「收工」令下～
《親兄勿弟》的拍攝工作正式落幕～
接下來就是另一大的挑戰～
就是後期的剪接、配樂等工作吧！～

成導，你要堅持下去！
我們全部人都一樣支持你的！！！！～～～

期待．．．我們的《親兄勿弟》～

12月．全城感動

六月四號拍攝日

「六四」呢個日子．．．～
不同人會做不同的事～
有D人會去左維園～
有D人會去政府總部上街～～
有D人會留在屋企訓覺～～～～
但係成導．．．就率領一眾攝製隊同事～
繼續在上水駐場進行《親兄勿弟》拍攝～！

今日集齊三位主角～
再次在上水的信義書院進行拍攝～
當然啦．．大家都挨到身水身汗啦～～
你睇成導都要有條濕毛巾跟身就知啦～！

天氣熱可能真係會影響人的情緒～
至少我艾力會啦～！
就連成導都會GA～～～
你睇佢．．又指手畫腳咁落order啦～
辛苦了，成導～！

不過．．．好似據聞導演要惡先可以做大導演ga～
你睇下D．．．杜大導、爾大導、徐大導、劉大導．．．～
全部都係出名惡ga～～
成導，你有潛質架～！！！！

當然除左成導～
仲有監製米高前來監場啦～！！

兩位男主角都辛苦了～～～
至於二人的演出．．．～
艾力不宜多談啦～～～～
監製話要一切保密～～～
到時大家睇片啦～！！！

講完兩位男主角～～
咁女主角呢～？？？
女主角Chole姐當然係大牌啦～！！
事緣當佢一要去洗手間～～～
在場所有男同事都要清場～～
借唒整個男廁俾Chole姐架～～
哈．．．厲害呢～！！！！

各部門的同事都好認真工作ga～
包括化妝師都好專心做自己的工作～～
真係要俾熱烈的掌聲呢班crew先～

導演今次又親自跟演員講解劇情～
看來各演員都跟成導變得十分相熟了～
更開始建立出默契來～～
成導一講，幾個演員就即刻明唒～～～
勁呀～！！！

大家都係長情之人～
跟太陽伯伯建立左一定的感情～
只要太陽伯伯開工～
大家又會好勤力咁做野～
到太陽伯伯要收工～～
大家才懂得知道是時候要收工啦～～～

太陽伯伯．．．辛苦了！
《親兄勿弟》工作人員．．辛苦了！

又有最新動向啦～～

好耐冇update啦～～～
今日艾力再為大家報導《親兄勿弟》最新進展～
真係不知不覺．．．～
《親兄》已踏入第六個拍攝日～
明日已經係第七日～～～
各位．．撐住．．加油～！！！

有時呢個世界真係有好多magic～
好似．．尋日天文台仲掛左紅雨～
但係今日．．竟然可以天公造美到咁喎～～
成導，你係得ge！～

呢張就係《親兄》Day 6的導演單～
製作認真呢．．．．．～
今日拍攝地點仲要入到元朗～
0800入到元朗喎．．俾D專業精神的掌聲先～～

　成導，加油呀！！！

雖然今日三位主角唔齊人～
但大家都交出最專業的態度完成拍攝ga～～
先講．．嬌俏可愛的女主角Chole先啦～

其實咪以為做演員好歎～
有D野．．真係「有苦自己知」～
今日天氣都算熱ga～
但拍攝地點就偏係個室內的班房～
拍攝時為求收音效果較佳～
所以都把課室的風扇、冷氣、窗口全部關上～
有幾熱？相信大家都想像得到．．．～
眾主角仍然要著住冬季校服～
仲有幾枝大大的燈照住佢地～
真係大汗疊細汗啦～！

　細心的導演專心教演員做戲

　兩個主角都好愛錫成導ga

由於Chole下晝有事在身～
所以先行撤退～～
不過一個離開．．又有一個加入～
下午的拍攝部分，有一位新演員加入bor～～
就係奇芬啦～！！！
Kevin都算係《親兄》的始祖族～
所以叫到佢來參演其中一角～
佢當然義不容辭啦～！

Kevin今次特別客串一角～
戲份雖然唔多～
但表現極之專業～
對角色考究之認真～
真的值得眾年青演員學習～

　導演跟製片及男主角相處融洽

　拍板都自己寫ge導演去邊度搵？

下午其中一場戲～
在教員室內發生～
由於提供場地之學校的教員室場地有限～
所以大家都工作得很擠迫～

　監製親自監場，一絲不苟

成導，撐住呀！！！
明日還要努力呀！！

４月３０日．．．繼續拍攝～～～

今日繼續進行《親兄勿弟》拍攝～
艾力繼續為大家報導一下當中花絮先～
其實呢一日都真係天公造美～

因為拍攝日前後幾天都時晴時雨～
所以呢日第一個感謝的．．係好天氣～！
當然天朗氣清的背後～
付出的代價．．就係各位工作人員的辛苦汗水～
把機器抬上抬落～
還要轉景的呢～！！

　成導也要抹抹汗呢．．．

莫講話成導～
小弟艾力當日都淪為水人～
渾身是汗．．．爽呀～！

講番拍攝當日先～
製作為求認真、一絲不苟～
不惜花費更多金錢，去租借車軌等拍攝器材～

大熱天時搞咁多野～
的確係辛苦ga～
但拍戲就係咁．．只要觀眾覺得好～
再辛苦都係值ge～！

　導演、場記密密研究剛完成之鏡頭

　好ｍａｎ，但好好人的監製米高！

　兩位收音哥哥做左「網中人」

 可愛的女主角

　導演真係好認真工作架！

　仲親自教演員戲，認真唔話得！

　仲有監製親自帶演員進入狀態

　主角咁靚仔靚女，多得化妝師側田

　導演、攝影師一齊睇playback

　演員跟導演都相處愉快

轉眼又到夜晚啦～～
大家走到太古補戲～～～
今晚有位星級演員駕到～～
掌聲唔該．．．．．．～！

　成導請得黃韻材先生參與演出！！！！

小弟仲同材哥做左個專訪～
財哥話明係俾面成導演而參與ｇａ～
訪問稍後再跟大家分享吧～！

　化妝師替材哥上妝

　材哥毫無架子，跟其他演員對戲

拍攝這場戲都真係困難重重～
拍攝現場的環境已經相當困難～
仲要有保安員阻斷拍攝進度～
所以小記艾力都唔阻各位手足～
影少左D相～
加上有D野．．要暫時性保密～
到時大家睇戲至有驚喜！！！～

辛辛苦苦又一DAY～
下星期又繼續努力拍攝啦～！

ＹＥＡＨ！！！！！！！！

開鏡

今日雖然仍未進行開鏡拜神儀式～
但一眾《親兄勿弟》的劇組人員～
早已齊集觀塘翠屏村～
準備今早的拍攝工作～
就由艾力以圖、文報導今天整日的拍攝花絮吧～

 導演（右）、監製（左）到場打點一切。

 攝製隊亦到場準備就緒。

 導演親自指導演員演出。

 攝影師認真為每個鏡頭準備。

完成上午的拍攝部份～
下晝移到一條後巷進行拍攝～
除了兩位男主角外，女主角Chole亦加入攝製隊之列～

 在後巷進行拍攝。

 成導新片開拍，好友齊齊力撐支持。

 從攝影機鏡頭所拍攝之畫面。

 女主角Chole到場，獲成導熱情招待。

轉眼間又快到傍晚時份～
攝製隊移師至曉明街進行拍攝～
各位，辛苦了！～

 機燈組的同事表現非常專業。

 拍攝放學的戲份。

經過辛苦的一天～
《親兄勿弟》總叫順利開鏡～
接著的多天拍攝工作～
還有賴大家的努力～～
加油呀～！！